Module 3: Leabharlann

Comhrá 1

Leabharlannaí: Dia Dhuit.

Léitheoir: Dia's Muire Dhuit.

Leabharlannaí: An féidir liom cabhrú leat?

Léitheoir: Tá leabhar á lorg agam.

Leabharlannaí: Cén teideal atá ar an leabhar?

Léitheoir: Ó Bhéal a' Bhab

Leabharlannaí: Cad is ainm den údar?

Léitheoir: Ceapaim gurb í Bab Feirtéir an t-údar.

Leabharlannaí: Lorgóidh mé é ar an Ríomhaire. Nóiméad amháin led' thoil………
Tá brón orm ach níl sé againn faoi láthair.

Léitheoir: An Féidir leat é a ordú dom?

Leabharlannaí: Is féidir. Tógfaidh sé cúpla seachtain .

Léitheoir: Go raibh maith agat.

Leabharlannaí: Tá fáilte romhat.

Comhrá 2

Léitheoir: Gabh mo leithscéal, níl amharc ró-mhaith agam. Cá bhfuil na leabhair leis an gcló mór le do thoil?

Leabharlannaí: Tá siad thall ansin ar an seilf íochtar. An féidir liom teideal a mholadh duit? Cén saghas leabhar atá á lorg agat?

Léitheoir: Léitheoir: Is deas uait sin. Tá suim agam i scéalta stairiúla, cosúil leis na scéalta deasa a fheicimid ar an teilifís - Mansfield Park, an ea?

Leabharlannaí: Tá aithne agam ar an chineál sin. Níl na leabhair sin ar fáil againn i gcló mór, ach b'fhéidir gur féidir liom rud eile níos oiriúnaí a mholadh duit. Ar bhain tú triail as na leabhair atá ar chaiséad fós?

Léitheoir: Níor bhain, cá bhfuil siad le fáil?

Leabharlannaí: Tá siad anseo - tá rogha iomlán d'úrscéalta rómánsacha againn. Tá scríbhneoirí cáiliúla mar Jane Austin agus William Thackery sa chnuasach seo. Féach ar na teidil seo. Is féidir leat ceann acu a thriail ar na cluasáin sin le fháil amach an mbainfeá taitneamh astu. Aisteoirí den scoth a rinne an taifeadadh agus is mór an pléisiúr iad. Is minic a bhím féin ag éisteacht leo sa ghluaisteán.

Léitheoir: An bhfuil aon rud ar fáil agat as Gaeilge? Is deacair dom í a léamh ach ba bhreá liom éisteacht le scéal maith as Gaeilge. Rugadh agus tógadh sa Ghaeltacht mé. Nuair a chloisim an Ghaeilge á labhairt anois bím ag smaoineamh ar ais ar an am sin.

Leabharlannaí: Tá, cinnte, Tá dhá leabhar Gaeilge nua ar chaiséad againn: An Bealach 'na Bhaile, An Triail, agus Dlíthe an Nádúir- sin ceann nua atá díreach tar éis teacht isteach.

Léitheoir: An féidir leat cabhrú liom chun an meaisín seo a cur ag obair, le do thoil?

Leabharlannaí: Anois, cur na cluasáin seo ort féin, le do thoil agus cuirfidh mé An Bealach 'na Bhaile ar siúl duit. Suigh síos anseo. Ceapaim go mbainfidh tú taitneamh as.

Léitheoir: Bhuel, bhí sé sin go hiontach ar fad. Bím ag éisteacht leis an raidió go minic ach is deacair scéal maith fada mar sin a fháil ar an raidió. . Is féidir liom é sin a stopadh aon uair is mian liom agus teacht ar ais chuige ar ball. Nach breá an smaoineamh é sin!

Leabharlannaí: Sea. Ceapann cuid dár mballra gur rud an-shuaimhneasach é. Is féidir leat suí síos ag éisteacht, le do shúile dúnta - gan aon bhrú ar bith ar na súile!

Léitheoir: Ach is dócha go mbeadh baol ann go dtitfeá i do choladh, toisc go bhfuil na guthanna atá acu chomh sábh agus chomh taitneamhach.

Leabharlannaí: Tá áthas orm gur bhain tú taitneamh as. Féach ar na cinn eile ansin agus roghnaigh ceann nó dhó chun tógáil abhaile leat. Tá rogha mhaith againn.

Léitheoir: Tógfaidh mé 'An Bealach 'na Bhaile' agus 'Ó Béal an Bhab' - tá dhá caiséad iontu siúd. Beidh siad sin go leor dom don deireadh seachtaine. An bhfuil táille bhreise ar na caiséid?

Leabharlannaí: Níl, tá táille de €30 chun rud a fháil ar iasacht ón Leabharlann Cheoil, ach níl aon táille bhreise ar na caiséid.

Léitheoir: Go raibh míle maith agat, slán anois.

Leabharlannaí: Tá fáilte romhat, slán.